د اوولسمې ناحیې د ۱۹م ګذر اړوند د وحدت ښارګوټي په سیمه کې د فرعي سړک د جوړولو چارې د کابل ښاروالۍ لخوا او د ملګرو ملتونو د پروژوي خدمتونو د دفتر په مرسته روانې دي. د سړک جوړولو په دغې پروژه کې چې (۵۹۰) متره اوږدوالی او له (۴) څخه تر (۵.۴) مترو پورې سور لري، د لښتیو جوړول هم شامل دي. یاده پروژه تر اوسه (۸۰) سلنه پرمخ تللې او ټاکل شوې ده چې په راتلونکو پنځلسو ورځو کې بشپړه شي. د دې پروژې په بشپړیدو سره به د سیمې د اوسېدونکو ستونزې حل او دوی ته به غوره ترانسپورتي او ټولنیزې آسانتیاوې رامنځته شي