د پنځلسمې ناحیې د دویم ګذر اړوند د خیرخانې مېنې په درېیمه برخه کې د یوه تفریحي پارک د جوړولو چارې (۹۰) سلنه مخته تللې دي او ټاکل شوې ده تر راتلونکو شلو ورځو پورې بشپړې شي. دغه پارک چې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، په (۱۰) زره متر مربع ځمکه کې ډیزاین شوی دی، د سالم چاپېریال او کاري فرصتونو د رامنځته کېدو په برخه کې ځانګړی اهمیت لري. د دې پارک د جوړولو په پروژه کې د احاطې، د پلیو لارو ، د اوبو د زېرمې، د فوټبال، کرکټ، والیبال او باسکټبال لپاره د لوبغالو جوړولو سربېره، د یوې څاه کېندل، چمن کرل، د نیالګیو او بوټو کېنول او د کثافت دانیو نصبول هم شامل دي