د اوومې ناحیې د ۳۰م ګذر اړوند د بیت المقدس جومات په سیمه کې د دوو فرعي سړکونو د جوړلو چارې تر اوسه ۳۰ سلنه کاري پرمختګ لري او ټاکل شوې ده ډېر ژر یې کانکرېټ چارې پیل شي. دغه پروژه چې په ټولیزه توګه (۷۲۰) متره اوږدوالی (۴) او (۵) متره سور لري، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د ښاریانو د ستونزو د حل، د کاري فرصتونو رامنځته کولو او د ترانسپورتي وضعیت د ښه والي په موخه، د پلي کېدو په حال کې ده. په دې پروژه کې د لښتو او د (۵.۵) مترو په اوږدوالي او د (۲.۵) مترو په سور سره د یوه پلچک جوړول هم شامل دي چې، د جوړولو چارې به یې تر راتلونکې یوې میاشتې پورې بشپړې شي