د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د شپاړلسمې ناحیې د ۱۶م ګذر اړوند په قلعه زمان خان سیمه کې د دوو فرعي سړکونو د جوړولو چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې، د سړک جوړولو په دې پروژه کې چې، (۵۷۰) متره اوږدوالی او (۸) متره سور لري، د لښتیو جوړول هم شامل دي او تر راتلونکې یوې میاشتې پورې به په اساسي توګه بشپړه او ورسره جوخت به د ښاریانو په وړاندې شته ترانسپورتي او چاپېریالي ستونزې حل شي. پاتې دې نه وي چې، په دې پروژه کې یوه شمېر هېوادوالو ته د کار زمینه هم برابره شوې ده