د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دوه ویشتمې ناحیې د ۲۴م ګذر اړوند د شیوه کي په سهاک سیمه کې د یوه فرعي سړک او (۳) کوڅو کانکرېټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې؛ دغه فرعي سړک او کوڅې چې، په ټولیزه توګه (۱۲۲۰) متره اوږدوالی او له (۳) څخه تر (۶) مترو پورې سور لري، د جوړولو چارې به یې د لښتیو په ګډون تر راتلونکې یوې اونۍ پورې په معیاري توګه بشپړې او ورسره جوخت به د سیمې د اوسېدونکو ترانسپورتي او ټولنیزې ستونزې هوارې شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده