د درېیمې ناحیې اړوند له پُل آرتل څخه تر دهمزنګ پورې د سړک قیر چارې د بنسټيزو برخو تر جوړېدو وروسته پیل شوې. دا مهم سړک چې (۱۰۴۰) متره اوږدوالی، (۲۷) او (۳۰) متره سور لري، یوه اصلي لیکه، یوه فرعي لیکه او د یوه معیاري سړک نور جزئیات هم پکې شامل دي. اوس مهال د یاد سړک څه باندې (۶۰۰) متره برخه قیر کولو ته چمتو شوې ده او ورته مهال یې د پاتې برخو د جوړولو چارې روانې دي څو هغه هم قیر کولو ته چمتو شي. ټاکل شوې ده د دې سړک قیر چارې د تخنیکي سندونو مطابق د ژمي تر را رسېدو وړاندې بشپړې او د ترافیکو پرمخ پرانیستل شي. د دې پروژې په بشپړېدو سره به له یوې خوا د ښار په مرکزي برخو کې ترافیکي ګڼه ګوڼه کمښت ومومي او بله خوا به ښاریانو ته به د تګ راتګ په برخه کې د آسانتیاوو رامنځته کېدو سربېره، د کابل ښار په بڼه کې مثبت بدلون راشي