د ۱۶مې ناحیې اړوند له قلعه زمان خان څخه تر کابل- جلال آباد سړک پورې د نښلونکي سړک لومړۍ طبقه قیر چارې بشپړې شوې او ټاکل شوې ده چې، دویمه طبقه قیر چارې یې هم ډیر ژر پیل شي. د سړک جوړولو په دې پروژه کې چې، (۱۶۴۵) متره اوږدوالی او (۳۰) متره سور لري، د (۲۰۱) مترو په اوږدوالي (۱.۵) مترو په سور او ژوروالي سره د یوه کانال، د (۱۷، ۳۱ او ۴۵) مترو په اوږدوالي سره د (۳) پلچکونو، د سړک غاړې لښتیو، ګلدانونو، پلیولارو او د کابل سیند د پاسه د موټرو د اساسي پله جوړول، د څراغونو نصبول او په سړک د کرښو اچول هم شامل دي. د دې پروژې په بشپړېدو سره به د سیمې د اوسېدونکو ټولنیزې او ترانسپورتي ستونزې هوارې شي