کابل ښاروال مولوي عبدالرشید د امید سبز ښارګوټي څخه تر عرفاني سړک پورې د نښلوونکي سړک د جوړولو چارې وارزولې. یاد سړک چې ۳۸۳۴ متره اوږدوالی او ۴۵ متره سور لري، د ښاري معیارونو سره سم په پرمختللي تخنیک او انجنیري بڼه جوړېږي، چې د تطبیق چارې یې روانې دي. د دې پروژې په بشپړېدو سره به نه یوازې د لوېدیځ زون اوسېدونکو ته د تګ راتګ اسانتیاوې برابرې شي، بلکې د سیمږګو اقتصادي ودې ته به هم زمینه برابره شي. کابل ښاروالۍ ژمنتیا لري چې د ښاري شبکو پراختیا ته به دوام ورکوي تر څو د ښار اوسېدونکو ته لا زیاتې اسانتیاوې او هوساینه رامنځته شي