د نهمې ناحیې اړوند د درېیم مکروریان د مارکېټ سړک د جوړولو او پراختیا چارې په چتکۍ سره روانې دي او هڅه کېږي څو هرڅه ژر قیر کولو ته چمتو شي. دا سړک چې د ۶۲۱ مترو په اوږدوالي او ۲۰ مترو په سور سره د لښتیو، پلیو لارو او ګلدانونو په ګډون ډیزاین شوی دی، د جوړولو چارې به یې د روان کال په بهیر کې بشپړې شي. د دې سړک په جوړېدو سره به له یوې خوا د مکروریانو سیمې اوسېدونکو ته ګڼې ټولنیزې او ترانسپورتي آسانتیاوې رامنځته شي او بله خوا به د درېیم او څلورم مکروریان په سړکونو کې ترافیکي ګڼه ګوڼه کمښت ومومي