د کابل ښاروالۍ له لوري د ملګرو ملتونو د پروژوي خدمتونو د دفتر په مرسته د شپاړلسمې ناحیې د ۲۵م ګذر اړوند په زاخیل تپه کې د یوه فرعي سړک کانکرېټ چارې روانې دي. دا پروژه د لښتیو په ګډون ۹۶۰ متره اوږدوالی او ۴.۵ متره سور لري چې، تر اوسه یې ۸۰ سلنه چارې مخته تللې دي او ټاکل شوې ده تر راتلونکو ۱۵ ورځو پورې بشپړې شي. د دې فرعي سړک په جوړېدو سره به د سیمې د اوسېدونکو د خاورو او خټو ستونزې هوارې او د تګ راتګ په برخه کې به ګڼې آسانتیاوې رامنځته شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده