په کابل ښار کې د زرغونو سیمو د پراختیا په موخه د کابل ښاروالۍ د زرغونتیا ریاست له لوري د نیالګیو کېنولو د خزاني کمپاین پر دوام؛ د آسمايي غره په لمنو کې د ۶۰۰ لمنځ او ناجو نیالګیو د کېنولو چارې پیل شوې. د زرغونتیا ریاست مرستیال سراج الدین پټان وویل چې، مخکې په دې سیمه کې ۱۰ زره بېلابېل ډوله نیالګي کېنول شوي دي چې، ښه او د قناعت وړ وده یې کړې ده. نوموړي زیاته کړه چې، کابل ښاروالۍ غواړي د آسمايي غر چې، تاریخي ارزښت لري او د کابل ښار د غرونو ښکلا ګڼل کېږي، د نیالګیو او بوټو په کېنولو سره لا زرغون او ښایسته کړي