د دولسمې ناحیې اړوند په احمدشاه بابا مېنه کې د نوروز آباد( ایمل مومند) له څلورلارې څخه تر دولسمې امنیتي حوزې پورې د سړک بنسټیزې چارې روانې دي. دا سړک ۲۱۹۶ متره اوږدوالی، ۳۰ او ۴۰ متره سور لري چې، چارې یې د لښتیو، پلیو لارو، ګلدانونو، د بایسکل چلولو لیکو او د څراغونو نصبولو په ګډون تر دې مهاله ۲۵ سلنه مخته تللې دي او ټاکل شوې ده تر راتلونکو اوو میاشتو پورې په معیاري توګه بشپړې شي. د دې سړک په جوړېدو سره به د سیمې اوسېدونکو ته ګڼې آسانتیاوې رامنځته شي.