په کابل ښار کې د نیالګیو کېنولو د خزاني کمپاین پر دوام، د کابل ښاروالۍ د زرغونتیا ریاست له خوا د څوارلسمې ناحیې د زرغون کمربند اړوند د قرغې بند د غرونو او غونډیو په لمنو کې د ۴ زره لمنځ او ارغوان نیالګیو د کېنولو چارې پیل شوې. دغه نیالګي د زرغونتیا ریاست اړوند قوریو کې روزل شوي چې، په دې موسم کې د کېنولو لپاره مناسب دي. د زرغونتیا ریاست د مسئولینو په وینا؛ د ښاري سیمو دزرغونتیا په موخه به، په راتلونکي پسرلي کې نور زرګونه بېلابېل ډوله نیالګي هم کېنوي، څو دا سیمه په یوه مناسب او زرغون تفریحي ځای بدل شي