د شپږمې ناحیې اړوند د علاءالدین له درې لارې څخه د چهاردهي تر چهارقلعه پورې د نوي نښلوونکي سړک د جوړولو عملي چارې، د کابل ښاروالۍ له خوا د استملاکي ملکیتونو او نورو خنډونو تر پاکولو وروسته پیل شوې. ټاکل شوې ده دا سړک د ۱۹۰۱ مترو په اوږدوالي او د ۲۰ مترو په سور سره د لښتیو، پلیو لارو، ګلدانونو، څراغونو او د یوه معیاري سړک د نورو جزئیاتو په ګډون تر راتلونکو نږدې شپږو میاشتو پورې په معیاري توګه جوړ شي. د دې سړک په جوړېدو سره به نه یوازې د کارته سه، چهارقلعه چهاردهي او علاءالدین سیمو اوسېدونکو ته آسانتیاوې رامنځته شي، بلکې د ورڅېرمه سیمو اقتصادي ودې ته به زمینه هم برابره شي