د ۱۲مې ناحیې اړوند د احمد شاه بابا مېنې د ۱۵ م بلاک د سړک په اوږدو کې د سطحې اوبو د اغیزمن مدیریت او تخنیکي ستونزو د حل په موخه، د کابل ښاروالۍ د کار، ساتنې او څارنې ریاست له خوا د یوه لښتي د بیارغونې چارې روانې دي. دغه لښتی چې، (۳۸) متره اوږوالی، (۵۰) سانتي متره سور او (۷۰) سانتي متره ژوروالی لري، د بیا رغولو چارې یې له تخنیکي ارزونې وروسته پیل شوې دي څو د یاد سړک په اوږدو کې د اوبو ډنډ کېدو ستونزه په بنسټیزه توګه هواره او د اوبو مخه اصلي لښتیو ته خلاصه شي. د یادونې وړ ده چې، د سطحي اوبو د مدیریت په پروژو کې چې اوس مهال په بېلابېلو ناحیو کې روانې دي؛ د منهولونو بیارغول، د سلبونو برش کول، د کالورتونو نصبول او له کانالونو سره د لښتیو نښلول شامل دي