د کابل ښاروالۍ د کار، ساتنې او مراقبت ریاست له خوا تر اوسه د څوارلسمې ناحیې اړوند د پغمان پخواني سړک د (۸۵۰۰) مترو په اوږدوالي برخې قیر چارې ترسره شوې دي. دغه سړک چې د قرغې له بند څخه تر تاق ظفر پورې (۹۱۵۳) متره اوږدوالی او (۷) متره سور لري، د (۶۵۳) متره برخې قیر چارې یې د هوا د سړښت له امله راتلونکي کال ته وځنډول شوې. دغه راز د دې سړک په اوږدو کې د استنادي دېوالونو، د (۹) او (۱۲) مترو په اوږدوالي او د (۲ او ۴) مترو په سور د (۱۶) پلچکونو جوړول هم شامل دي. د دې پروژې په بشپړېدو سره به له یوې خوا د یاد سړک ترافیکي ګڼه ګوڼه کمښت ومومي او بله خوا به د څوارلسمې ناحیې اوسېدونکو ته د تګ راتګ په برخه کې ګڼې آسانتیاوې رامنځته شي