د هوايي ډګر له څلور لارې څخه تر ګمرک سیمې پورې د (۹۰۰) مترو په اوږدوالي د فرعي لیکو دپاتې برخې قیر چارې روانې دي او ټاکل شوې ده چې ډېر ژر بشپړې او یاد سړک د ترافیکو پر مخ پرانیستل شي. د کابل ښاروالۍ د برنامو او پروژو د تنظیم ریاست د معلوماتو له مخې، دغه سړک چې، د (۲،۷۹۴) مترو په اوږدوالي او (۶۰) مترو په سور سره سره ډیزاین شوی، دوه اصلي او دوه فرعي لیکې لري. د پروژې د تخنیکي سندونو له مخې، د سړک له نښلولو وروسته، بل ګام د سړک د اصلي لیکو درېیمه (وروستۍ) طبقه قیر چارو تر سره کول دي، چې د ژمي موسم له رارسیدو وړاندې به تر سره شي. په ورته وخت کې، د پلیولارو او ګلدانونو جوړولو، د جدولونو او څراغونو د نصبولو چارې هم روانې دي ترڅو دا لویه پروژه په اساسي او معیاري توګه بشپړه شي. د دې سړک په جوړیدو سره به له یوې خوا د صحت عامې، مکروریانونو او هوایي ډګر څلورلارو او ورڅېرمه سیمو کې ترافیکي ګڼه ګوڼه د پام وړ کمښت ومومي اوبله خوا به په نوې سړک کې د وسایطو د تګ راتګ بهیر په غوره توګه تنظیم شي