د ۲۲ مې ناحیې د شپږم ګذر اړوند د حسین خیلو په سیمه کې د (۵۱۸) مترو په اوږدوالي او (۴.۵) مترو په سور سره د یوې کوڅې د جوړولو چارې، د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته روانې دي. دغه پروژه چې د لښتیو جوړول هم پکې شامل دي، تر اوسه (۴۰) سلنه مخته تللې او ټاکل شوې ده چې تر راتلونکې یوې میاشتې پورې بشپړه او ګټی اخیستنې ته وسپارل شي. د دې کوڅې په جوړیدو سره به د یادې سیمې د اوسېدونکو ستونزې حل او دوی ته به غوره ترانسپورتي او ټولنیزې آسانتیاوې رامنځته شي