د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دولسمې ناحیې د ۲۴م گذر اړوند د امنیت ښارګوټي په سیمه کې د (۳) فرعي سړکونو او یوې کوڅې د کانکریټ چارې روانې دي. د کابل ښاروالۍ د برنامو او پروژو د تنظیم ریاست د معلوماتو له مخې، دغه پروژه چې په ټولیز ډول (۱۲۳۰) متره اوږدوالی او له (۴) تر (۷) مترو پورې سور لري. تر اوسه (۶۰) سلنه پرمخ تللې ده. ټاکل شوې ده یاده پروژه دلښتیو په ګډون د یو میاشتې په موده کې په معیاري توګه بشپړه شي. د یادونې وړ ده چې، د دې پروژې له لارې یو شمېر هېوادوالو ته د کار زمینه هم برابره شوې ده