د څلورمې ناحیې اړوند د برهکي او کلولهپشتې سیمو ترمنځ د (۶۵۴) مترو په اوږدوالي او (۲۰) مترو په سور سره د نوی نښلوونکي سړک د جوړولو چارې روانې دي. یاد سړک د جوړولو موخه، د برهکي څلورلارې لپاره د بدیلې لارې رامنځته کول دي چې، په جوړېدو سره به یې له یوې خوا په یاده سیمه کې ترافیکي ګڼه ګوڼه کمښت ومومي او بله خوا به د ښاري ترانسپورت لپاره آسانتیاوې رامنځته شي. په دې پروژه کې د ( ۲۶۴۹) متر مکعب په اندازه د استنادي دېوالونو ، پلیولارو او ګلدانونو جوړول، د څراغونو نصبول او په سړک د کرښو اچول هم شامل دي. کابل ښاروالۍ هڅه کوي چې د متوازنې پراختیا د اصل پر بنسټ، په ښار کې د بنسټیزو پروژو په پلي کولو سره، د ښاریانو د تګراتګ په برخه کې اسانتیاوې رامنځته او د ښار اقتصادي ودې ته زمینه برابره کړي