د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د پنځمې ناحیې د ۳۷م ګذر اړوند په غازي محمد جان خان ښارګوټي کې د څلورو کوڅو کانکرېټ چارې روانې دي. دغه پروژه چې په ټولیزه توګه (۹۷۰) متره اوږدوالی او (۴.۵) متره سور لري ، د لښتیو په ګډون تر دې دمه (۵۰) سلنه مخته تللې او ټاکل شوې ده تر راتلونکې یوې میاشتې پورې په اساسي توګه بشپړه شي. د دغو کوڅو په جوړېدو سره به د سیمې د اوسېدونکو ترانسپورتي او ټولنیزې ستونزې په بنسټیزه توګه هوارې شي. د یادونې وړ ده چې، په دې پروژه کې یو شمېر هېوادوالو ته د کار زمینه هم برابره شوې ده