د کابل ښاروالۍ له لوري د ملګرو ملتونو د پروژوي خدمتونو د دفتر په مرسته د اوولسمې ناحیې د ۱۹م ګذر اړوند د وحدت ښارګوټي په سیمه کې د یوه فرعي سړک کانکرېټ چارې د بشپړېدو په حال کې دي. دا پروژه ۵۶۰ متره اوږدوالی، ۴ او ۵.۴ متره سور لري چې، چارې یې د لښتیو په ګډون تر اوسه ۹۵ سلنه کاري پرمختګ لري او ټاکل شوې ده تر راتلونکې یوې اونۍ پورې بشپړې شي. د دې سړک په جوړېدو سره به د سیمې اوسېدونکي ګڼ شمېر ترانسپورتي او ټولنیزو آسانتیاوو ته لاس رسی ومومي