د کابل ښاروالۍ د کار، ساتنې او مراقبت ریاست له خوا د قلعه شانان سړک په اوږدو کې د کابل سیند د پاسه د یوه اساسي پله د جوړولو چارې په چټکۍ سره روانې دي او ټاکل شوې ده تر راتلونکې یوې میاشتې پورې بشپړې شي. دا پُل چې د ډیزاین له مخې، ۶۰ متره اوږدوالی،۱۸.۴ متره سور او ۹۰ میخي ستنې ( پایې) لري، د ګاډرونو تر نصبولو وروسته یې اوس مهال د سیم پیچۍ کارونه روان دي او ډېر ژر به د پله د فرش کانکرېټ چارې هم پیل شي. د دې پروژې په بشپړیدو سره به د کابل ښار د ختیځ زون ترافیکي ستونزې هوارې، ښاریانو ته به د تګ راتګ په برخه کې د پام وړ آسانتیاوې رامنځته او په ورڅېرمه سړکونو کې به ترافیکي ګڼه ګوڼه کمښت ومومي