د اوومې ناحیې د ۳۰م ګذر اړوند د چهلستون د بیت المقدس جومات په سیمه کې د دوو فرعي سړکونو د جوړولو چارې چې، څه موده وړاندې د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته پیل شوې وې، وروستيو پړاونو ته رسېدلې دي.
دغه پروژه چې په ټولیزه توګه ۷۲۰ متره اوږدوالی، ۴ او ۵ متره سور لري، ښاریانو ته د آسانتیاوو او کاري فرصتونو د رامنځته کولو په موخه، د پلي کېدو په حال کې ده.
د یادونې وړ ده چې، په دې پروژه کې د ۵.۵ مترو په اوږدوالي او د ۲.۵ مترو په سور سره د یوه پلچک او لښتیو جوړول هم شامل دي چې، ډېر ژر به یې چارې بشپړې شي.
د اوومې ناحیې په ۳۰م ګذر کې د دوو فرعي سړکونو د جوړولو چارې د بشپړېدو په حال کې دي