د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د دولسمې ناحیې اړوند د احمد شاه بابا مېنې په ۱۳م بلاک کې د یوه فرعي سړک کانکرېټ چارې بشپړې شوې.
په دې پروژه کې چې، ۵۷۵ متره اوږدوالی او ۷ متره سور لري، د لښتیو جوړول هم شامل دي.
کابل ښاروالۍ د متوازنې پراختیا د اصل پربنسټ له ښاري آسانتیاوو په محرومو سیمو کې د پروژو پلي کولو ته لومړیتوب ورکوي او ټاکل شوې ده په بېلابېلو ناحیو کې ورته نورې پروژې هم طرحه او پلې کړي.
پاتې دې نه وي چې، د دې سړک په جوړېدو سره د سیمې اوسېدونکو ته ګڼې ترانسپورتي او چاپېریالي آسانتیاوې رامنځته شوې دي.
د احمدشاه بابا مېنې په ۱۳م بلاک کې د یوه فرعي سړک کانکرېټ چارې بشپړې شوې