د کابل ښاروالۍ د کار، ساتنې او مراقبت ریاست له خوا د قلعه شانان سړک په اوږدو کې د کابل سیند د پاسه د موټرو د تګ راتګ یوه اساسي پله د فرش کانکرېټ چارې په بریالیتوب سره بشپړې شوې او ټاکل شوې ده څه موده وروسته د ترافیکو پرمخ پرانیستل شي.
دا پُل چې ۶۰ متره اوږدوالی او ۱۸.۴ متره سور لري، د کابل سیند د پاسه یو له لویو پلونو څخه شمېرل کېږي چې، په جوړېدو سره به یې د کابل په ختیځ زون کې د تګ راتګ په برخه کې ګڼې آسانتیاوې رامنځته شي.
همدا راز دا پُل د ورڅېرمه سړکونو د ترافیکي ګڼه ګوڼې په کمښت او د سیمو د نښلولو په برخه کې کې مهم رول لري.
کابل ښاروالۍ ژمنتیا لري چې، د داسې زیربنايي پروژو په پلي کولو سره د ښار معیاري پراختیا ته زمینه برابره کړي او هڅه کوي چې، د کابل ښار بڼه لا ښکلې او منظمه شي.
قلعه شانان سړک په اوږدو کې د موټرو د یوه اساسي پله د فرش کانکرېټ چارې بشپړې شوې