د بنسټیزو چارو تر بشپړېدو وروسته د دیارلسمې ناحیې اړوند له امید سبز ښارګوټي څخه تر عرفاني سړک پورې د نوي سړک د ۱۵۰۰ متره برخې قیر چارې پیل شوې.
دا سړک ۳۸۳۴ متره اوږدوالی او ۴۵ متره سور لري چې، د لښتیو، پلیو لارو، ګلدانونو، څراغونو، کرښو اچولو او د یوه معیاري سړک د نورو جزئیاتو په ګډون ډیزاین شوی دی.
د تخنیکي اسنادو له مخې د دې سړک د پاتې برخو قیر چارې به په راتلونکي کال کې ترسره شي.
د کابل ښاروالۍ د برنامو او پروژو د تنظیم ریاست انجنیران د دې پروژې د کار له کیفیت څخه په دوامداره توګه تخنیکي او فني څارنې ترسره کوي.
د دې سړک په جوړېدو سره به د سیمو اقتصادي ودې ته زمینه برابره او ښاریانو ته به د تګ راتګ په برخه کې ګڼې آسانتیاوې رامنځته شي.
د یادونې وړ ده چې، کابل ښاروالۍ د ژمي په را رسېدو سره د یو شمېر هغه سړکونو قیر چارې چې، بنسټیز کارونه یې بشپړ شوي دي، په دوه کاري وختونو (شپه او ورځ) کې ترسره کوي.
له امید سبز ښارګوټي څخه تر عرفاني سړک پورې د نوي سړک قیر چارې پیل شوې