د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اتلسمې ناحیې د پنځم ګذر اړوند په بختیاران سیمه کې د یوه فرعي سړک کانکریټ چارې روانې دي.
د کابل ښاروالۍ د برنامو او پروژو د تنظیم ریاست د معلوماتو له مخې؛ دا سړک چې، ۷۵۰ متره اوږدوالی او ۵ متره سور لري، د لښتیو په ګډون به تر راتلونکو دوو اونیو پورې په معیاري او اساسي توګه جوړ شي.
دا پروژه چې له ښاري آسانتیاوو څخه د محرومو سیمو اوسېدونکو ته د کاري فرصتونو او ښاري آسانتیاوو د رامنځته کولو په موخه پلې کېږي، تر دې دمه ۷۵ سلنه مخته تللې ده.
د اتلسمې ناحیې په ۵م ګذر کې د فرعي سړک کانکریټ چارې روانې دي