د کابل ښاروالۍ د کار، ساتنې او مراقبت ریاست له خوا د بت خاک ( ملالۍ) تر څلورلارې پورې د بګرامیو سړک د جدولونو د بیارغولو چارې روانې دي.
په دې پروژه کې د جدلونو بیارغول او د نویو جدلونو نصبول شامل دي چې، چارې به یې په اساسي او معیاري توګه ترسره شي. جدلونه د ترافیکي بهیر د وېش او ښاري ښکلا په برخه کې ځانګړی اهمیت لري.
د یادونې وړ ده چې، څه موده وړاندې په دوه لیکو کې یاد سړک په اساسي او معیاري توګه بیاورغول شو او د جدلونو تر نصبولو وروسته به کرښې هم پرې واچول شي.
کابل ښاروالۍ د ښاري تاسیساتو د ساتنې او دوام په موخه، د سړکونو د بیارغونې چارې ترلاس لاندې لري او د ښار په کچه هغه سړکونه چې، بیارغونې ته اړتیا لري یو پر بل پسې به بیا ورغول شي.
د بګرامیو سړک د جدولونو د بیارغولو چارې روانې دي