د کابل ښاروالۍ له خوا او د ملګرو ملتونو د پروژوي خدمتونو دفتر په مرسته، د ۲۲مې ناحیې د ۶م ګذر اړوند د حسینخېلو په سیمه کې، د ۵۱۸ مترو په اوږدوالي او ۵ مترو په سور سره د یوې کوڅې کانکریټ چارې بشپړې شوې.
د دې کوڅې په جوړېدو سره د سیمې د اوسېدونکو پر وړاندې پرتې ستونزې له منځه تللې او دوی به ترانسپورتي او غوره ټولنیزو آسانتیاوو ته لاسرسی ومومي.
یاده دې وي چې، د دا ډول پروژو د پلي کېدو له لارې یو شمېر هېوادوالو ته د کار زمینه هم برابره شوې ده.
د دوه ویشتمې ناحیې په ۶م ګذر کې د یوې کوڅې کانکریټ چارې بشپړې شوې