د خیرخانې کوتل سړک د درېیمې برخې د جوړولو او پراختیا پروژه، چې په روان کال کې د کابل ښاروالۍ د کار، ساتنې او مراقبت ریاست له خوا پیل شوې وه، په منظمه توګه دوام لري.
یاد سړک د سرای شمالي له سیمې تر کوتل پورې، د سړک ښي خوا ته، د ۳۶۴۷ مترو په اوږدوالي او ۲۷ مترو په سور سره ډیزاین شوی دی.
څو موده وړاندې، د بنسټیزو برخو تر جوړېدو وروسته، د دې سړک د ۱۸۰۰ مترو په اوږدوالي او ۱۲ مترو په سور سره برخې لومړۍ طبقه قیر چارې په بریالیتوب سره ترسره شوې.
اوس مهال د یاد سړک د بنسټیزو برخو، استنادي دیوالونو او لښتیو په جوړولو، هوارولو او د سړک په اوږدو کې د غرونو په کیندنې کار روان دی چې، د هوا د ښه والي په صورت کې به یې نورې برخې هم قیر شي.
یاد سړک چې د کابل شمال خوا ته یو اقتصادي دهلیز ګڼل کېږي، کابل ښاروالۍ هڅه کوي څو دا پروژه په ټاکلي وخت او لوړ کیفیت سره بشپړه کړي.
د خیرخانې کوتل سړک د درېیمې برخې د جوړولو او پراختیا پروژه د پام وړ پرمختګ لري