د څلورمې ناحیې اړوند د برهکي او کلوله پشتې سیمو ترمنځ د۶۵۴ مترو په اوږدوالي او۲۰ مترو په سور سره د نوي نښلوونکي سړک د جوړولو چارې روانې دي.
د یاد سړک د جوړولو موخه، د برهکي څلورلارې لپاره د بدیلې لارې رامنځته کول دي چې، په جوړېدو سره به یې له یوې خوا په یاده سیمه کې ترافیکي ګڼه ګوڼه کمښت ومومي او بله خوا به د ښاري ترانسپورت لپاره آسانتیاوې رامنځته شي.
اوس مهال د یاد سړک بنسټیزې چارې تر لاس لاندې دي چې، د راتلونکي کال په پسرلي کې به یې قیر چارې ترسره او د ترافیکو پرمخ به پرانیستل شي.
په دې پروژه کې د ۲۶۴۹ متر مکعب په اندازه د استنادي دېوالونو ، پلیولارو او ګلدانونو جوړول، د څراغونو نصبول او په سړک د کرښو اچول هم شامل دي.
کابل ښاروالۍ ژمنتیا لري چې، د متوازنې پراختیا د اصل پر بنسټ، په ښار کې د بنسټیزو پروژو په پلي کولو سره، ښاریانو ته د تګراتګ په برخه کې اسانتیاوې رامنځته او د ښار اقتصادي ودې ته زمینه برابره کړي.
د برهکي او کلوله پشتې سیمو تر منځ د نوي نښلوونکي سړک د جوړولو چارې روانې دي