د وزیر محمد اکبرخان مېنې له پنځلسم سړک څخه تر اجمیر کانال پورې د ۲۷۰۰ مترو په اوږدوالي او له ۸۰ سانتي مترو څخه تر ۱.۴ مترو په سور سره د کانال جوړولو چارې روانې دي او هڅه کېږي چې، تر راتلونکو ۳ میاشتو پورې بشپړې شي.
په دې پروژه کې د ۳۹۱ مترو په اوږدوالي او د ۳۰ متره په سور سره د وزیر محمد اکبرخان روغتون د سړک جوړول هم شامل دي، چې څه موده وړاندې یې قیر چارې ترسره شوې. دا سړک پلې لارې، ګلدانونه، لښتي او څراغونه هم په بر کې نیسي.
د یادونې وړ ده چې، مخکې به په یاده سیمه کې د کانال د نشتون له امله اوبه سړکونو ته راختلې چې، ښاریان یې له ګڼو ستونزو سره مخ کړي وو، خو د دې پروژې په پلي کېدو سره به یې ستونزې په اساسي توګه هوارې شي.
په وزیر محمد اکبرخان مېنه کې د نښلوونکي کانال د جوړولو چارې روانې دي