د دیارلسمې ناحیې اړوند له برچي څخه تر امید سبز ښارګوټي پورې د نښلوونکي سړک د جوړولو چارې چې، کیندنې، خاورې لېږدول او هوارول پکې شامل دي روانې دي.
ټاکل شوې ده دغه سړک د ۳ کیلو مترو په اوږدوالي او د ۳۰ مترو په سور سره د لښتیو، پلیو لارو، ګلدانونو، څراغونو، په سړک د کرښو اچولو او د یوه معیاري سړک د نورو جزئیاتو په ګډون په اساسي توګه د یوه کال په موده کې جوړ شي.
د دې سړک په جوړېدو سره به د برچي سړک ترافیکي بهیر ووېشل شي او همدا راز د سیمو اقتصادي ودې ته به زمینه برابره شي.
د برچي - امید سبز ښارګوټي د نښلوونکي سړک د جوړولو چارې روانې دي