د دولسمې ناحیې اړوند په احمدشاه بابا مېنه کې له نوروز آباد ( ایمل مومند) څلورلارې څخه تر دولسمې امنیتي حوزې پورې د ۲۰۹۶ مترو په اوږدوالي، ۳۰ او ۴۰ مترو په سور سره د نوي نښلوونکي سړک د جوړولو چارې روانې دي.
دغه پروژه د لښتیو، پلیو لارو، ګلدانونو، د بایسکل چلولو لیکو، څراغونو او د یوه معیاري سړک د نورو جزئیاتو په ګډون ډیزاین شوې ده چې، په ټاکلي وخت او ښه کیفیت به تر راتلونکو ۷ میاشتو پورې بشپړه شي.
یاد سړک د ګڼه ګوڼې د کمښت او د ترانسپورتي زیربناوو د پراختیا په برخه کې مهم رول لري چې، په جوړېدو سره به یې د دولسمې ناحیې اوسېدونکو ته ګڼې آسانتیاوې رامنځته شي.
له نوروز آباد څلورلارې څخه تر دولسمې امنیتي حوزې پورې د سړک جوړولو چارې روانې دي