د کابل ښاروالۍ د کار، ساتنې او مراقبت ریاست له خوا د بت خاک ( ملالۍ) تر څلورلارې پورې د بګرامیو سړک د جدولونو د بیارغونې چارې روانې دي چې، دا کار د ترافیکي بهیر د وېش او ښاري ښکلا په برخه کې ځانګړی اهمیت لري.
په دې پروژه کې هغه جدولونه چې، د بیارغونې وړ نه دي پر ځای یې نوي جدولونه نصب کېږي او پاتې نور یې په اساسي توګه بیارغول کېږي. څه موده وړاندې د یاد سړک دوه لیکې په اساسي توګه بیا ورغول شوې او وروسته به یې جدولونه رنګ او کرښې به پرې واچول شي.
کابل ښاروالۍ د ښاري تاسیساتو د ساتنې په موخه، د ښار په کچه هغه سړکونه چې، بیارغونې ته اړتیا لري یو پر بل پسې بیارغوي.
د بت خاک ( ملالۍ) تر څلورلارې پورې د بګرامیو سړک د جدولونو د بیارغونې چارې روانې دي