د اتمې او دوه ویشتمې ناحیې اړوند د بګرامیو پله له سیمې څخه د ملالۍ ( بت خاک) څلورلارې سویل خوا ته تر حلقوي سړک پورې د نوي نښلوونکي سړک د جوړولو لومړنۍ چارې چې، کېندنې، خاورې لېږدول او د خنډونو پاکول په بر کې نیسي روانې دي.
یاد سړک چې په ټولیزه توګه، ۵۶۳۴ متره اوږدوالی لري، ۴۹۸۳ متره برخه یې ۳۰ متره او پاتې ۶۵۱ متره یې ۴۵ متره سور لري.
په دې پروژه کې د لښتیو، پلیو لارو او ګلدانونو جوړول، په سړک د کرښو اچول او د څراغونو نصبول شامل دي چې، د ۱۴ میاشتو په موده کې په اساسي توګه بشپړه شي.
د دې سړک په جوړېدو سره به له یوې خوا په کابل ښار کې ترافیکي او ترانسپورتي زیربناوې پراختیا ومومي او بله خوا به د ورڅېرمه سیمو اوسېدونکو ته د تګ راتګ په برخه کې ګڼې آسانتیاوې رامنځته شي.
د بګرامیو پله له سیمې څخه د ملالۍ څلورلارې سویل خوا ته سړک پورې د نوي سړک د جوړولو لومړنۍ چارې روانې دي