د کابل ښاروالۍ د مطالعاتی او ډیزاین وروسته، د پریکړې له مخې د نوي ډیزاین لپاره ګڼې څلورلارې تخریب کړي او بیا له سره یې په نوي ډیزاین او ښکلې بڼه جوړوي. له دې کاره هدف دا دی چې څلورلارې ورغول شي، ښکلې او کوچنۍ شي او د ترافیکي اشارو په نصب د ښار ښکلا لا زیاته شي. رغول شوې څلورلارې د سرسبزۍ ریاست له لوري په ګلانو او بوټو ښکلې شوې دي او دغه راز د چوکونو کوچني کیدا او پرې د ترافیکي اشارو نصب ښار کې ګڼه ګوڼه هم کمه کړې ده. په رغول شویو څلورلارو کې سلیم کاروان، تایمني، شهید څلورلارې او ترافیک څلورلاره شامله ده. د کابل شاروالۍ سرسبزۍ ریاست هڅه کوي د ښار نورې څلورلارې هم ورغوي او د تزیین او ښکلا پلان یې تطبیق کړي.