د کابل ښاروالۍ د زرغونتیا ریاست له خوا د اوولسمې ناحیې اړوند د منشي میرغلام سیمې په زرغون کمربند کې د ناجو، ارغوان، لمنځ او سرو ۳۷۲۰ نیالګیو د کېنولو چارې پیل شوې.
د زرغونتیا ریاست مرستیال مولوي محمدشاه همت وویل چې، د منشي میرغلام ښارګوټي زرغون کمربند ۱۴۰ هکټاره ځمکه رانغاړي او د زرغونتیا لپاره یې منظم پلانونه تر لاس لاندې دي چې، یو پر بل پسې به پلي شي.
نوموړي زیاته کړه چې، مخکې د ښار په دې مهمه سیمه کې ۳۵۵۰۰ میوه لرونکي او بې میوې نیالګي او زینتي بوټي د کابل ښاروالۍ د زرغونتیا ریاست له خوا کېنول شوي دي، چې د قناعت وړ وده یې کړې ده.
کابل ښاوالۍ ژمنتیا لري چې د سالم ښاري ژوند د رامنځته کېدو په موخه، د ښار سربېره د غرونو او غونډیو په لمنو کې هم نیالګي کېنوي څو ښاریانو ته د سوکاله او آرام ژوند زمینه برابره شي.
د منشي میرغلام سیمې په زرغون کمربند کې د ۳۷۲۰ نیالګیو د کېنولو برنامه پیل شوه