د دیارلسمې ناحیې اړوند د نقاش له حمام څخه تر امید سبز ښارګوټي پورې د برچي- امید سبز ښارګوټي نوي نښلوونکي سړک د جوړولو چارې روانې دي او ټاکل شوې ده د راتلونکي کال تر نیمايي پورې بشپړې شي.
دغه سړک چې ۳ کیلو متره اوږدوالی او ۳۳ متره سور لري، د لښتیو، پلیو لارو، ګلدانونو، څراغونو، په سړک د کرښو اچولو او د یوه معیاري سړک د نورو جزئیاتو په ګډون ډیزاین شوی دی.
د دې پروژې د پلي کېدو موخه، د ترانسپورتي ستونزو حل او په ورڅېرمه سیمو کې د اقتصادي ودې لپاره د زمینې برابرول دي.
یاده پروژه د کابل ښاروالۍ د برنامو او پروژو د تنظیم ریاست تر څارنې لاندې د پلي کېدو په حال کې ده څو یې کیفیت تضمین شي.
د برچي- امید سبز ښارګوټي د نښلوونکي سړک د جوړولو چارې روانې دي