په ښار کې د زرغونو سیمو د پراختیا او ښاري ښکلا د رامنځته کولو په موخه، د کابل ښاروالۍ د زرغونتیا ریاست د څلورمې ناحیې اړوند د سلطان محمود غزنوي سړک په ګلدان او وزیرآباد پارک کې ۱۲۰۰ اصله د ناجو، لمنز، شمشاد او سرو نیالګي کېنول.
د کابل ښاروالۍ د زرغونتیا ریاست فني مرستیال مولوي محمدشاه همت په دې تړاو وویل: دغه نیالګي په معیاري ډول کېنول شوي دي او په دوامداره توګه به ترې ساتنه کېږي.
نوموړي له ښاریانو غوښتنه وکړه چې، په خپلو ملکیتونو او د کورونو مخې ته د نیالګیو د کېنولو فرصت له لاسه ور نه کړي، څو کابل ښار په یوه زرغون او ښکلي ښار بدل شي.
د وزیر آباد په پارک او د سلطان محمود غزنوي سړک په ګلدان کې ۱۲۰۰ ډول ډول نیالګي کېنول شول