له پروان سه له څلورلارې څخه تر بادام باغ پورې او پر دوام یې د پولي تخنیک غره د لمنې نوي جوړ شوي سړکونه د بره کي څلورلارې بدیلې لارې ګڼل کېږي چې، په جوړېدو سره یې ترافیکي بهیر ویشل شوی او ښاریانو ته د تګ راتګ په برخه کې آسانتیاوې رامنځته شوې دي.
له پروان سه څخه تر بادام باغ پورې سړک ۵۶۰ متره اوږدوالی او د پولي تخنیک غره د لمنې سړک ۹۰۰ متره اوږدوالی لري چې، په ورستیو کلونو کې د کابل ښاروالۍ له خوا جوړ شوي دي.
دغه سړکونه چې، څلورمه، پنځمه او اوولسمه ناحیه یو له بل سره نښلوي، د ترافیکي ګڼه ګوڼې د کمښت په برخه کې مهم رول لري.
کابل ښاروالۍ ژمنتیا لري چې، په کابل ښار کې د ترانسپورتي زیربناوو د پراختیا او د ترافیکي ګڼه ګوڼې د کمښت په موخه ورته نور سړکونه هم جوړ کړي.
له پروان سه څخه تر بادام باغ او د پولي تخنیک غره د لمنې نښلوونکي سړکونه د بره کي څلورلارې بدیلې لارې