د کابل ښاروالۍ د کار، ساتنې او مراقبت ریاست له خوا د څوارلسمې ناحیې اړوند د پغمان پخواني سړک د جوړولو او پراختیا چارې چې، د هوا د سړښت له امله ځنډېدلې وې، بیا پیل شوې.
دا سړک له قرغې بند څخه تر تاق ظفر پورې ۹۱۵۳ متره اوږدوالی او ۷ متره سور لري چې، د ژمي تر را رسېدو وړاندې یې ۵۸۰۰ متره برخه قیر شوې ده او اوس مهال یې د ۶۵۳ متره پاتې برخې بنسټیزې چارې روانې دي څو هغه هم قیر ته چمتو شي.
په دې پروژه کې د استنادي دېوالونو، د ۹ او ۱۲ مترو په اوږدوالي او د ۲ او ۴ مترو په سور د ۱۶ پلچکونو جوړول هم شامل دي.
د دې سړک په جوړېدو سره به د پغمان تفریحي سیمې اوسېدونکو او سیلانیانو ته د تګ راتګ په برخه کې ګڼې آسانتیاوې رامنځته شي.
تر ژمني ځنډ وروسته د پغمان پخواني سړک د پراختیا چارې بیا پیل شوې