د شپږمې ناحیې اړوند د علاءالدین له درې لارې څخه د چهاردهي تر چهار قلعه پورې د ۱۹۰۲ مترو په اوږدوالي او ۲۰ متره سور سره د نوي نښلوونکي سړک د جوړولو عملي چارې روانې دي.
یاد سړک چې د لښتیو، پلیو لارو، ګلدانونو، څراغونو او د یوه معیاري سړک د نورو جزئیاتو په ګډون ډیزاین شوی دی تر راتلونکو ۳ میاشتو پورې به جوړ شي.
د دې سړک په جوړېدو سره به د کابل د لوېدیځ زون اوسېدونکو ته د تګ راتګ په برخه کې ګڼې آسانتیاوې رامنځته شي.
له بل لوري اټکل کېږي چې، د دې پروژې په بشپړېدو سره به د علاءالدین، کارته سه او د چهاردهي د چهارقلعه سیمو پرمختیايي او اقتصادي ودې ته زمینه برابره شي.
له علاءالدین درې لارې څخه د چهاردهي تر چهار قلعه پورې سړک ښه کاري پرمختګ لري