د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اتلسمې ناحیې په ۸م او ۹م ګذر کې د دوو فرعي سړکونو د جوړولو چارې روانې دي.
دغه سړکونه چې په ټولیزه توګه ۱۱۱۶ متره اوږدوالی او ۵ متره سور لري، د لښتیو په ګډون به د څلورو میاشتو په موده کې جوړ او ورسره جوخت به د سیمې د اوسېدونکو ګڼې ټولنیزې او د تګ راتګ ستونزې هوارې شي.
د فرعي سړکونو جوړېدل د چاپېریال او هوا له ککړتیا څخه د مخنیوي په برخه کې هم اغیزمن رول لري.
پاتې دې نه وي چې، په دې پروژه کې یو شمېر هېوادوالو ته د کار زمینه هم برابره شوې ده.
د اتلسمې ناحیې په ۸م او ۹م ګذر کې د فرعي سړکونو د جوړولو چارې روانې دي