د اتمې ناحیې اړوند له ستانکزي څلورلارې څخه تر بګرامیو پورې د نښلوونکي سړک د بېلابېلو برخو د جوړولو چارې په چټکۍ سره روانې دي او ټاکل شوې ده تر راتلونکو څلورو میاشتو پورې بشپړې شي.
دا سړک د ۲۵۳۰ مترو په اوږدوالي او ۴۰ مترو په سور سره په دوه اصلي لیکو کې د لښتیو، پلیو لارو، ګلدانونو، د بایسکل چلولو لیکو، پلچکونو، څراغونو او نورو جزئیاتو په ګډون ډیزاین شوی دی.
د دې سړک په جوړېدو سره به د کابل- لوګر سړک له کارته نو سیمې او کابل- جلال آباد سړک سره ونښلول شي او ورسره جوخت به د سیمو اقتصادي ودې ته زمینه برابره شي.
د کابل ښاروالۍ د برنامو او پروژو د تنظیم ریاست انجنیران د یادې پروژې له بېلابېلو کاري پړاوونو څخه تخنیکي او فني څارنې ترسره کوي څو دا سړک په ښه کیفیت او ټاکلي وخت جوړ شي.
له ستانکزي څلورلارې څخه تر بګرامیو پورې د سړک د بېلابېلو برخو د جوړولو چارې روانې دي