د نهمې ناحیې اړوند د شش درک په سیمه کې په ټولیزه توګه د ۱۵۰۷ مترو په اوږدوالي او له ۳ څخه تر ۶ مترو پورې سور سره د ۶ فرعي سړکونو د پليولارو د تیږو فرشولو چارې روانې دي.
د کابل ښاروالۍ د برنامو او پروژو د تنظیم ریاست د معلوماتو له مخې، د شش درک د سړکونو جوړولو پروژه په ټوله کې د ۱۵۰۷ مترو په اوږدوالي او له ۱۳څخه تر ۲۴ مترو پورې سور سره ډیزاین شوې ده.
په تیږو باندې د پليولارو د فرشولو ترڅنګ، د جدولونو نصبول او د شبکو د نښلونکو برخو کانکریټ چارې هم د دې پروژې برخه ده.
پاتې دې نه وي چې، د دغو سړکونو دویمه طبقه قیر چارې به هم په نږدې راتلونکې کې ترسره او یاده پروژه به ګټې اخیستنې ته وسپارل شي.
د شش درک په سیمه کې د شپږو فرعي سړکونو د پليولارو د تیږو فرشولو چارې روانې دي