د لومړۍ ناحیې اړوند له سپاهي ګمنام څلورلارې ( میوند آبدې) څخه تر باغ قاضي پورې د سنګ تراشۍ ( شوربازار) سړک دویمه طبقه قیر چارې تر لابراتواري آزمایښت وروسته په بریالیتوب ترسره شوې.
د سړک جوړولو په دې پروژه کې چې، ۲۹۴ متره اوږدوالی او ۲۵ متره سور لري، د لښتیو، پلیولارو او ګلدانونو جوړول، د څراغونو نصبول او په سړک د کرښو اچول شامل دي چې ډېر ژر به یې پاتې چارې بشپړې او یاد سړک به د ترافیکو پرمخ به پرانیستل شي.
د دې پروژې په بشپړېدو سره به نه یوازې د سپاهي ګمنام څلورلارې په اوږدو کې ترافیکي ګڼه ګوڼه کمښت ومومي، بلکې ښاریانو ته به د آسانتیاوو رامنځته کېدو سربېره، د سیمې فعالیت کوونکو ته د اقتصادي او سوداګریزو فعالیتونو زمینه هم برابره شي.
د سنګ تراشۍ سړک دویمه طبقه قیر چارې بشپړې شوې