د کابل ښاروالۍ له لوري د ملګرو ملتونو د پروژوي خدمتونو د دفتر په مرسته د څوارلسمې ناحیې د ۲۴م ګذر اړوند په خواجه لکن سیمه کې د یوه فرعي سړک د جوړولو چارې پیل شوې.
د برنامو او پروژو د تنظیم ریاست د معلوماتو له مخې؛ دا سړک ۷۲۰ متره اوږدوالی او ۵ متره سور لري چې، د لښتیو په ګډون به په اساسي توګه جوړ شي.
ټاکل شوې ده دا پروژه تر راتلونکو څه کم ۳ میاشتو پورې بشپړه او ګټې اخیستنې ته وسپارل شي.
د دې پروژې په پلي کېدو کې به یو شمېر هېوادوالو ته د کار زمینه برابره شي. همدا راز د سړک په جوړېدو سره به د سیمې اوسېدونکي یو شمېر ترانسپورتي او چاپېریالي آسانتیاوو ته لاس رسی ومومي.
په څوارلسمه ناحیه کې د یوه فرعي سړک د جوړولو چارې پیل شوې