د وزیر محمد اکبرخان مېنې او شېرپور سیمې د فرعي سړکونو په تیږو فرشولو چارې ښه کاري پرمختګ لري
د لسمې ناحیې اړوند په وزیر محمد اکبرخان مېنې او شیرپور سیمه کې د ۷ فرعي سړکونوپه تیږو فرشولو چارې چې، څه موده وړاندې پیل شوې وې، تر اوسه د څلورو سړکونو بشپړې شوې دي.
دغه پروژه چې، په ټوله کې۵۳۰۰ متره اوږدوالی او ۱۲ متره سور لري، د لښتیو او پلیولارو جوړول هم پکې شامل دي.
د مسئولینو په وینا؛ د پاتې ۳ سړکونو په تیږو فرشولو چارې به تر راتلونکو ۳ میاشتو پورې بشپړې شي.
د تیږو په کارولو سره د سړکونو جوړول، له یوې خوا له لوړ مقاومت څخه برخمن دي او بله خوا د ځمکې لاندې اوبو په پیاوړتیا کې اغیزمن رول لوبوي.
د دې پروژې په بشپړېدو سره به د سیمې اوسېدونکو ته د آسانتیاوو رامنځته کېدو تر څنګ، ترافیکي ګڼه ګوڼه هم کمښت ومومي.
د وزیر محمد اکبرخان مېنې او شېرپور سیمې د فرعي سړکونو په تیږو فرشولو چارې ښه کاري پرمختګ لري